ჩვენ შესახებ

გიმნაზიის მისია

ა(ა)იპ საქართველოს საპატრიარქოს ურბნისისა და რუისის ეპარქიის ქარელის წმინდა გიორგი მთაწმინდელის სახელობის გიმნაზია განათლების ეროვნული მიზნებიდან გამომდინარე მიზნად ისახავს თითოეული მოსწავლის აკადემიური, სოციალური, სულიერი, ფიზიკური და ესთეტიკური მოთხოვნილებების დაკმაყოფილებას, მოსწავლეზე ორიენტირებული სასწავლო პროგრამების შედგენას, რომელიც გაითვალისწინებს მათ ინტერესებს, შესაძლებლობებსა და მიდრეკილებებს, სწავლებისათვის უსაფრთხო და წამახალისებელი გარემოს შექმნას მშობლებთან და საზოგადოებასთან თანამშრომლობის გზით. გიმნაზია ვალდებულებას იღებს, მოსწავლეთა მიღწევები აქციოს უმაღლეს პრიორიტეტად და მის განსახორციელებლად მოიზიდოს საჭირო ფინანსები და ადამიანური რესურსები. გიმნაზიის საქმიანობა მიმართული იქნება თითოეული მოსწავლის მიღწევების გასაუმჯობესებლად. იგი ხელს შეუწყობს მოსწავლეებში კრიტიკული და შემოქმედებითი აზროვნებისა და პრაქტიკული უნარ-ჩვევების განვითარებას, ცხოვრების ჯანსაღი წესის დამკვიდრებას და ეროვნული ღირებულებების მატარებელი პიროვნების აღზრდას. გიმნაზიის მისიაა ქრისტიანულ ღირებულებებზე დაყრდნობით თანამედროვე მოთხოვნათა შესაბამისად აღზარდოს განათლებული, თავისუფლად მოაზროვნე, სამართლიანი და ჯანსაღი თაობა.

სასკოლო სასწავლო გეგმა