გიმნაზიის რექტორის-არქ. სტეფანეს ლოცვა-კურთხევით ჩვენი სკოლის ხუთმა პედაგოგმა: ნანა კობახიძემ, ზინა კალმახელიძემ, ანა კობახიძემ, ზეინარ ზურაბაშვილმა და იამზე გონგლაძემ წელს მონაწილეობა მიიღეს საქართველოს საპატრიარქოს საგანმანათლებლო დაწესებულებების საზაფხულო სკოლის მუშაობაში. იგი ბათუმისა და ლაზეთის მიტროპოლიტის - მეუფე დიმიტრის ინიციატივით და ბათუმის წმ. ანდრია პირველწოდებულის სახელობის სკოლის ორგანიზებით 2019 წლის 15-19 ივლისს ქობულეთში მოეწყო.
კონფერენციაზე, რომელიც სწავლა-სწავლების საკითხებს ეხებოდა, ჩვენმა პედაგოგებმა საინტერესო მოხსენებები წარადგინეს სწავლების საუკეთესო გამოცდილებისა და პრაქტიკის გაზიარების მიზნით, ასევე საგანმანათლებლო რესურსების შექმნა/გამოყენების შესახებ. მათ მონაწილეობა მიიღეს დაგეგმილ ღონისძიებებშიც (სამუშაო შეხვედრები, საჯარო ლექციები, მასტერკლასები, ექსკურსიები, საგანმანათლებლო დაწესებულებების ხელმძღვანელთა მრგვალი მაგიდა).
საზაფხულო სკოლა მუშაობას მომდევნო წლებშიც გააგრძელებს.
Comentários